Ventura plywood sa Butuan nasunog

Gilamoy sa kalayo ang Ventura Plywood Company nga nahimutang sa Lilo, Banza ning dakbayan sa Butuan.
Alas 2:50 ang takna kaganinang kaadlawon nagsugod sa pag-ulbo ang kalayo nga nagsugod sa pogon/ ‘kin drying machine’ sa wala pa masayring hinungdan.
Daling mikuyanap ang kalayo gumikan sa mga ugang kahoy ug ‘veneer’ nga nagpalibot sulod sa bodega sa maong kompanya hinungdan nga giisa sa ikatulong alarma ang dakung sunog.
Gawas sa mga fire trucks sa Bureau of Fire Protection (BFP)- Butuan, mitabang na usab sa pagpalong sa kalayo ang mga fire trucks gikan sa kasikbit nga mga lungsod. Wala pa gipagawas sa tag-iya sa naasyong kompanya kung pila ang danyos sa maong sunog.
Padayon pa usab nga giimbistigahan sa BFP-Butuan ang hinungdan sa nasangpit nga insidenti .

Facebook Comments