El verdadero “mujer mapuersa” de Zamboanga City, si Hidilyn Diaz ya hace otravez subi el bandera del paiz na entero mundo despues ya saca este medalya de oro durante el 2018 Asian Games na Jakarta International Expo na Indonesia del Martes.
Ya gana si Diaz na Women’s Weightlifting donde ya alsa este con el 53 quilo barbell que hace le perde consu maga contrincante desde otro maga nacion.
Si Diaz ya habla por cuantos meses gendeh le tanto ta puede dormi porcausa con el training pero nohay le perde el esperanza consu deseo para gana na competicion.
Amediante con el crisis de aroz na ciudad, maga vivientes ya queda alegre con el resulta que masquin por el honor ya lleva si Diaz ya man busug sila.
Si Diaz este maga tiempo ya queda ya tambien inspiracion del cuantos maga jovenes, hombre man o mujer aquel maga ta ambicia sigui na su paso.
