KABANKALAN CITY, NEGROS OCCIDENTAL – Ginabulubanta nagdangat sa kapin ₱100,000 pesos ang balor sang suspected shabu nga narecover halin sa apat ka mga suspek sa ginpatigayon nga buy bust operation kahapon sang hapon sa isa ka barangay sa ciudad sang Kabankalan.
Nakilala ang mga suspek nga sanday Allan Gomez, 36 anyos, single residente sang Brgy. 8, Kabankalan City; Ramonito Barricuatro, 48 anyos sang Brgy. 1, Kabankalan, Kier John Ilao, 28, single sang Brgy. 3 Kabankalan City kag Joaquin Depra, 42 anyos, kasado residente sang Andulawan, banwa sang Ilog.
Ang buybust ginpatigayon sang joint elements sang Kabankalan City Police Station, Ilog Municipal Station kag PDEA 6 may mga las 2 kahapon sang hapon sa Purok Zone 6, Burgos Street, Brgy. 8, Kabankalan City.
Nakuha sa mga suspek ang 29 tanan ka elongated heat-sealed transparent plastic sachet sang suspected shabu nga may estimated street value nga kapin ₱100,000 pesos, drug paraphernalia, cash nga ₱5,620 pesos kag ₱100 nga marked money.
Sa karon ang mga suspek detained na sa custodial facility sang Kabankalan CPS./dyHB BACOLOD
