Davao City- Nagatuo ang usa ka konsehal sa syudad sa Dabaw nga mabawi ni Presidente Rodrigo Duterte ang excellent ratings sa musunod nga mga surveys.
Kini ang panan-aw ni Davao City Councilor ug Committee of Transportation chair Conrado Baluran atol sa interview sa DXDC RMN Davao diin subay kini sa bag-uhay lang nga gipagula sa Social Weather Station (SWS) survey diin miubos ngadto sa “good” ang rating sa pamuno-nasud gikan sa “very good”.
Sumala ni Baluran, maayo gihapon ang rating sa pangulo tungod dili ra layo ang giubos niini ug nagatuo siya nga ang nasangpit nga rating gumikan sa mga pagpangdaot sa kontra-partido kaniya lakip na ang mga isyu kabahin sa mga namatay nga mga menor de edad nga gipasangil sa kapulisan diin asa apektado usab ang presidente.
Dugang ni Baluran, dili usab kini makaapekto sa mga dabawenyo tungod nisalig sila kang Presidente Rodrigo Duterte bisan pa man kaniadtong Mayor pa kini sa dakbayan sa Dabaw.
RadyoMan Renz Barbarona
