Gitudlo ni Pope Francis si Fr. Raul Dael isip bag-ong Obispo alang sa Tandag city, Surigao del Sur kini human nag-resign ni Bishop Nereo Odchimar.
Si Bishop Dael ang kanhi Episcopal Vicar for Clergy sa Archiodese sa Cagayan de Oro city.
Gitapos ni Bishop Dael ang kursong Philosophy sa Xavier University sa Cagayan de Oro ug mipadayun sa pagtoon sa Theology sa St. John Vianney Seminary.
Na-ordinahan pagka-Pari didto sa Archdiocese sa Cagayan de Oro niadtong Hunyo, 1993, ug gilayung nagsugud sa iyang ministiryo sa Parochial Vicar sa Metropolitan Cathedral.
Sa tuig 1995, nadestino si Bishop Dael isip Parochial Administrator sa St. Peter the Apostle Parish sa Sugbongcogon, Misamis Oriental.
Gisugdan niya niadtong tuig 1997 ang tulo ka tuig nga Masters in Theoloy didto sa Loyola School of Theology sa Ateneo de Manila University.
Nibalik siya sa Cagayan de Oro ut nahimung Professor ug Director sa Spiritual ug Pastoral Formation sa John Vianney Seminary of Theology.
Sa tuig 2003 hangtud 2009, nagtoon siya sa Pontifical Gregorian University sa Rome ug sa iyang pagbalik subli sa Pilipinas nahimu siyang Professor sa Pastoral Theology ug natudlo nga Episcopal Vicar for Clergy sa Archiodese sa Cagayan de Oro city, adesir hingpit nga natudlong Obispod sa Tandag city.
Kahibaloan nga sa wala pa nag-resign sa katungdanan si Bishop Odchimar, nagpagawas kini ug pamahayag alang sa panawagan nga imbistigasyon sa grabing epekto sa bagyong Basyang sa lalawigan sa Surigao del Sur ug gitudlo ang mina nga maong hinungdan.
Tungod niini gibatikos usab si Bishop Odchimar ni Gov. Vicente Pimentel nga maayu lang modawat ug donasyon gikan sa mina luyu nga kini anti-mining.
