Indi matuod nga wala sang program of works kag infrastructure design ang plano nga construction sang Protech Center kag ampitheater nga nagakantidad sang P54 million nga aprobado sang Sangguniang Panlalawigan sang South Cotabato nga nalakip sa
Supplemental Budget no. 1 sang provincial government subong nga tuig.
Ini ang depensa ni South Cotabato Vice Governor Vicenti de Jesus matapos nga ginkwestyon ni Governor Reynaldo Tamayo Jr. nga paano niya nga i-implementar nga wala man lang sang program of works suno pa kag engineering design.
Ginhatagan pa niya punto nga ang detailed engineering ang isubmitir sa implementasyon na suno pa sang proyekto kag indi sa approval sang pondo.
Ginpahayag pa ni De Jesus nga nag-agi aprobal sang Provincial Development Council ang nasambit nga proyekto amo nga kon indi niya ipatuman ini ang ikonsulta sa gihapon sa PDC kon i-realign sini ang pondo para sa Protech Center kag Ampitheater.
Dugang pa sang bise gobernador nga masobra isa ka tuig nga ginplanuhan ang nasambit nga proyekto.
