Ginapanginwala ni Vice-Mayor Mario “Nonon” Golingan ang alegasyon ni Mayor Rene Cordero nga siya ang yara sa likod kon nga-a ginapa-lifestyle check ini sa NBI.
Sa interview sang RMN Iloilo, ginpahayag ni Golingan nga dapat sabton na lamangh ni Mayor Cordero ang isyu kag indi na mangdalahig pa sang iban nga tawo.
Ginhatagan pagtamod ni Golingan nga isa ka national issue kag naghalin mismo sa presidente sang pungsod ang direktiba nga ipa-lifestyle check si Cordero kon sa diin indi niya ini puwede maimpluwensyahan.
Suno pa sa Vice-Mayor nga kasubong lamang nga gina-kuwestyon ni Cordero ang tikang ni Presidente Rodrigo Duterte kag bisan ang mga miyenbro sang intelligence sang Presidente lakip na ang national Bureau of Investigation.
Ini ang pahayag ni Vic-Mayor Golingan matapos ginpahayag ni Mayor Cordero nga politika lamang ang kabangdanan nga ini siya ang ipaidalum sa lifestyle check.(sspunay)
