Gihagit ni Vice Mayor Jemar Vera Cruz ang iyang mga kaubang opisyal sa syudad nga idonar ang ilang usa ka bulan nga sweldo aron gamiton niining nasiti nga krisis karon Corona Virus Disease o COVID 19.
Matud sa bise mayor, kini aron makita sa katawhan nga aduna gayud silay gihimo nga mga lakang karong panahona tungod daghan sa mga reklamo, istorya ang iyang nakuha nga daw puros lamang alegasyon nga wala silay gihimo sa krisis karon sa COVID 19.
Boot ni Vera Cruz nga ihatag sa katawhan ang ilang sweldo aron magamit nila sa ilang tagsa-tagsa ka mga panginahanglanon ilabi na kadtung temporaryong nawad-an sa ilang trabaho.
Apan, ang pangutana kun andam ba ang iyang mga kaubanan sa pagsakripisyo sa ilang sweldo aron ihatag sa katawhang nanginahanglan karong panahona.
