Dili magpakahilom si vice-president Leni Robredo, taliwa sa giingong hulga sa pagpagawas sa “Naga Leaks” labot sa giingong kalambigitan niini sa narcopolitics.
Kini maoy mensahe ni Robredo, ngadto sa administrasyon ni Presidente Rodrigo Duterte.
Sa mga post sa facebook fan page account nga “We Are Collective”, kini nipasangil kang Robredo nga na-link sa illegal drugs didto sa Naga city, lalawigan sa Camarines Sur, pinaagi sa pag-proteher sa mga drug lords sa dapit.
Ang grupo gikatakda nga mopagawas og impormasyon labot niini nga ilang gitawag ug “Naga Leaks”.
Matod sa bise-presidente, nga padayon siyang motingog sa mga issues, hilabi na labot sa mga kahiwian sa Duterte administration.
Nagtuo si Robredo nga tuyo lang sa mao nga grupo nga siya pahilumon, diin andam siyang moatubang sa maong pasangil tungod kay wa siyay gitagoan.
Nasayran nga atol sa iyang pagbisita sa Sugbu, usa ka forum ang gitambungan ni Robredo nga nagtuki kalabot sa mga Misinformation sa Social Media nga gipahigayon sa Cebu Eastern College diin gisalmutan kini sa mga tinun-an, college professors, ug civic organizations.
Si Robredo niawhag sa publiko, hilabi na sa kabatan-unan, nga maghiusa ug motabang nga batokan ang mga sayop ug bakak nga impormasyon nga mikuyanap sa social media.
Facebook Comments
