Victima de taho, muerto

Muerto el un 30 anios de edad persona despues conele ya empesa tahya qui tahya na Infante Drive, Logoy Grande, Talon-Talon ayer medio dia.
Con el victima ya conose como si Firdausi Akmadul y Alvarez, del mencionao lugar.
Asegun na informacion ya recivi el RMN Zamboanga tiene quien ya mira con Akmadul ta corre estaba na buug y irido ya el disuyu detras donde ta aparese tiene ya le cuantos irida de taho na cuerpo.
Ya puede pa si Akmadul grita consu familia y ta pidi este bolo pero nohay quien ya dale bolo conele.
Porcausa manada ya sangre ta sale na maga irida na su cuerpo, ya sinta na tiera si Akmadul hasta ya akusta este y nohay mas disperta hasta ya rebenta ya su resuelio.
Nohay quien ya mira si quien ya tahya con Akmadul considerando na buug el incidente ya sosede.
Maga pulis ta conduci pa el mas hondo investigacion para sabe quien el hechor del incidente.

Facebook Comments