iFM Laoag – Opisialen a nangrugin iti panangrambak iti ili a Paoay iti Guling-Guling Festival idi sabado Pebrero 22, 2020.
Segun kenni Police Staff Sergeant Dwayne Guzman iti PNP Paoay, naiyuswat iti Abel Fashion Show ken Mr & Mrs Guling-Guling idi rabii ti sabado nga inantendatan dagiti sangaili ken dagiti umili.
Innayunna pay nga isagsaganaanen dagiti partisipante iti Dance Parade intono bigat kas kafiestaan iti Guling-Guling Festival iti Paoay.
Kinuna ti Mr. Guzman nga agfull alert status iti PNP Paoay intono bigat gapu na ta manamnaman to nga adu dagiti makipagpaset iti nadakamat nga aktibidad.
Idin to nga agtultuloy pay iti information operationsda kadagiti umili nangnangruna kadagiti motorista agsipudta aduda paylaeng dagiti mailawlaw-an kadagiti paglintegan iti kalkalsada.
Iti Guling-Guling Festival ket tinawen a ramrambaken iti Paoay kas iti panangitag-ayda dagiti produktoda nga inabel ken iti “dudol” a tradision kas rice cake dagiti Ilocano. (Joe Anne J. Agustin, RMN News)
