Llorando el un 23 anios de edad persona ta cunta el su pasada despues le ya queda victima del online scam.
El victima quien personalmente ya anda na studio del DXRZ RMN enantes tarde y ya reporta que ya queda le victima del online scam.
Asegun conele ya mira le na facebook job hiring site donde ya pruba le man apply masquin cosa position que asegun ta nesesita trabahante el un companiya de aseyte.
Enantes mismo ya pidi conele P6,000 el persona conquien le ya conversa na cellphone y asegun nesesita le dale el cen para su processing fee.
Dayun tamen el victima ya imbya con el cen pormedio de GCash.
Pero despues lang le ya imbya con el cen nupuede mas le comunoca con el dos persona conquien le ya conversa del mas temprano.
Facebook Comments
