Vigilance: Tubag sa terorismo

184

Davao City – Pagkamabinantayon ug ang dili pagkumpyansa: Kini ang nakitang pamaagi kun lakang nga mamahimong buhaton sa mga lungsuranon mientras nag-atubang ang nasud ug hadla mugna sa mga Islamist militants, religious extremists, fanatics and fundamentalists.

Kini ang kumon nga reaksyon kun opinyon sa mga listeners sa programang ‘RMN Straight to the Point’ kuyog si Kasamang June Duterte sa topikong ‘Confidential Intel Reports’.

Segun sa katawhan kinsa nitampo sa ilang mga panahum diha sa RMN Reaction Center, sa facebook, sa STP Sa Barangay ingon man sa mga STP Investigative Reports, walay dautan kun pangayoon sa tawo ang tanang kredibleng inpormasyon kalabot sa estado sa atong seguridad.


Apan ang susamang on-air opinion polling nagsugilon nga angay lamang usab sabton ug tahuron ang hukom sa mga tinugyanan sa balaud kun adunay mga higayun nga i-confine lamang usa nila sa security sector ang nasangpit nga mga datos ‘for further confirmation and verification’ ug haron dili sila maakusahan nga pakyas kun ‘failure of intelligence.’

Panglantaw usab sa yanong mga lungsuranon nga inay didto motutok sa confidential internal police memoranda, mas pa-igmaton pa gayud ang pag-vigilar sa palibot haron dili malutsan sa mga terorista ug uban pang criminal elements.

Facebook Comments