Patok pa din hanggang ngayon sa social media ang mga nakatatawang memes ni Daniela Mondragon na ginagampanan ng aktres na si Dimples Romana sa teleseryeng “Kadenang Ginto.”
At sa pagkakataong ito, nalibot na ni Daniela Mondragon ang buong mundo – salamat sa malikhang pagiisip ng mga Pinoy.
First stop ni Daniela, ‘sulyapan at bisitahin’ ang mga camel sa United Arab Emirates (UAE).
Pasok din sa listahan ni Daniela ‘daanan’ ang Corniche at Villagio Mall sa Qatar.
Tila umabot na hanggang Estados Unidos ang kasikatan ni Daniela dahil ininterbyu siya ni Ellen De Generes.
Maging ang Hogwarts School pinahintulan papasukin si Daniela.
Nagsimula maglabasan ang mga memes matapos ipalabas ng ABS-CBN ang Season 3 trailer ng Kadenang Ginto noong Hunyo 28. Sa ngayon, umani na ito ng 3.8 millions views sa official Youtube page ng istasyon.
Samantala, pinasalamatan ni Dimples ang pagmamahal ng mga fans at taong nasa likod ng kanyang viral memes.
“Fun, creative and super certified Pinoy humor. Tama ito! Let’s flood the world with happiness and positivity, ang galing galing ninyo!!!! Happy na happy ako” mensahe ni Dimples.
