Roxas City, Capiz- Viral subong ang isa ka laragway kun sa diin makit-an ang isa ka lolo matapos nagpakita sang respeto sa Philippine flag, kaupod ang kapulisan kag kabataan.
Ang nasambitan nga laragway ang kuha sang netizen nga si Herbie Aguas sa Pugad Lawin Park, Sto Domingo, Albay.
Makit-an nga nagtindog ang amo nga lolosamtang nabutang sa dughan ang natuo nga kamot kadungan sang pag-amba sang national anthem.
Nag-ani sang pagdayaw halin sa mga netizens ang nasambitan nga lolo. Samtang suno naman sa komento sang iban, dapat ini nga sundon bilang ehimplo sang mga kabataan kag dapat mahibaluan sang mga ini nga palanggaon ang pungsod.
Humalin sang ginpost sa social networking site nga Facebook ang amo nga laragway, naka-angkon na ini sang nilibo ka mga shares kag reactions.
photo(c)- TTO
