Gipasalig sa executive secretary ni Mandaue City Mayor Luigi Quisumbing , Atty. Mae Elaine Bathan nga di magpaapekto ang mayor sa nakontrobersiyal nga video diha sa social media .
Gihulagway ni Atty. Bathan nga wa mabalaka ang mayor sa paggawas sa maong video nga ilang giisip nga “black propaganda” sa tinguha nga madaut ang imahen sa mayor .
Dugang ni Bathan , tataw nga gi-editl ang maong video aron malisyoso kining tan-awon .
Makita sa video nga si Quisumbing sakay sa usa ka yate ug adunay mga babaye nga mga nag-swimsuit ug nagsayaw-sayaw.
Dugang ni Bathan nga ang maong video nakuha atol sa usa ka pribadong lakaw nga naimbitahan ang mayor.
Di hinoon magpaapekto ang mayor sa maong video gikan sa pag-address niini sa mga mahinungdanong isyu sa syudad .
