Viral ngayon ang video ng isang mag-ama sa Russia matapos mauwi sa pagkalumo ang masaya sana nilang father and daughter bonding.
Habang sakay kasi ng yate, bigla na lang hinablot ni alisa, 4 years old ang cellphone ng kanyang tatay sabay tapon sa dagat!
Ang dahilan ng bata, kahit nasa bakasyon sila puro cellphone lang ang inaatupag ng kanyang ama.
Dahil sa adrenaline rush, napatalon naman sa dagat ang kanyang ama – ang russian rapper na si timati – sa pag-asang makukuha pa ang kanyang cellphone, pero nabigo siya.
Humakot na sa mahigit limang milyong views ang nasabing video sa youtube na inulan ng samu’t saring reaksyon.
Say ng ilang netizens, hindi maganda ang pagpapalaki sa bata habang may ibang nagsabi na baka nawalan talaga ng oras ang tatay kaya nagawa ito ni Alisa.
Sa huling larawan, makikitang magka-holding hands ang mag-ama na patunay na hindi na sila galit sa isa’t isa.
