![DEPED-2-6.jpg](https://i0.wp.com/rmn.ph/wp-content/uploads/2020/10/DEPED-2-6.jpg?resize=696%2C392&ssl=1)
Ipahigayon karong adlawa sa Department of Education – Bukidnon, Malaybalay ug Valencia Divisions ang virtual school opening kick-off para sa tuig tingtungha 2020-2021.
Nasayran sa interview sa RMN ngadto kang Dr. Arturo Bayucot, ang regional director sa DepEd – Region 10 gibutyag niini nga all systems go na ang ilang buhatan sa umaabot nga klase karong Oktubre 5.
Matud ni Dr. Bayucot nga niadto pang Hunyo 1 ning tuiga nangandam na sila para sa klase karong tuiga ug nagpadayon kini hangtod ning mga adlawa.
Apil sa mga preparasyon nga ilang gihimo mao ang pag-andam sa lima ka mga modalities sa pagtudlo o ang gitawag nga blended learning.
Gawas niini ,gi-andam na usab nila ang ilang mga magtutudlo pinaagi sa mga capacity building pinaagi sa mga webinars aron matun-an pag-yo ang pamaagi nga distance learning.
Gilauman na usab sa DepDd Regional Director nga dili perpekto ang opening sa klase sa Lunes apan gipaniguro niya nga ila kining sulbaron sa oras nga ilang makita ang mga kakulangon.
Apan sa kinatibuk-ang andam na kaayo sila sa pagbukas sa klase.