Davao City – Katungod sa Bureau of Corrections (BuCor) ang pagdili sa pagdalaw o pagbisita sa pamilya sa mga piniriso tungod sa nagpadayong palusot sa mga kontrabando ilabi na ang droga sulod sa mga bilangguan.
Sumala ni criminal law practitioner Atty. Leonard Cagatin Jr., adunay gahum ang maong buhatan sa pagpatuman sa ‘temporary cancellation of visitation privileges’ isip kabahin sa ilang gipahugtang seguridad sa mga prisohan.
Hinoon gipasabot ni Cagatin nga usa lamang kini ka pagsulay aron masuta kung naggikan ba o wala sa mga bisita ang pagdala sa mga kontrabando.
Gitataw usab sa abogado nga kung dili epektibo ang maong paagi, mamahimo nila kining undangon ug tugotan na usab ang mga visitations kun pagdalaw sa mga prisonero.
RadyoMaN Bernard Pantallon
