Sa interview sa DXDC RMN Davao kang Police Major Marvin Hugos, Station Commander sa San Pedro Police Station gisulti niya, giila ang tag-iya nga si Negger, 27 anyos, usa ka vlogger ug residente sa Valencia City, Bukidnon.
Segun ni Hugos, misaad ang maong vlogger nga iyang bayaran ang multa, hinungdan nga gibuhian niadtong milabay’ng adlawa, apan kung mapakyas kini sa pagbayad, posibleng mag-atubang kini og kaso.
Gi-angkon sa vlogger nga wala siya nasayud nga adunay Drone Regulation Ordinance nga gipatuman sa syudad sa Davao.
Kahinuduman, usa ka 25 anyos nga si alias Lyka, ang mireport sa San Pedro Police Station kabahin sa iyang nakit-an nga usa ka color gray nga drone nga nahagsa sa yuta, sulod sa gate sa iyang boarding house nga gituohang gipaandar pinaagi sa remote control sa wala pa mailhi nga tawo.
RadyoMaN Don Pulayao
