56 anyos nabanggaan sa pulis nga nag-motor, nipanaw na

Nakabsan na sa kinabuhi ang lalaking 56 anyos, giila nga si Nolito Pielago Ambat, self-employed, residente sa Purok16, New Loon, Barangay Mintal, Davao City, human nabanggaan sa motorsiklo nga gimaniho sa usa ka pulis, nahitabo niadtong alas 10:10 sa gabii March 22, 2024 sa Brgy. Sto Nino, Tugbok District, Davao City.

Sa report gikan sa Tugbok Police Station, ang nakaligis nga pulis giilang si Police Corporal Ian Franco Phala, 39 anyos, na-assign sa Crime Laboratory sa Davao City Police Office (DCPO), ang angkas iyang misis nga si Julian Amocay Phala 38 anyos, sakop sa Special Action Force (SAF) sa PNP, parehong residente sa Green Meadows, Brgy. Sto.Niño, Tugbok District, Davao City.

Subay sa gihimong imbestigasyon sa Traffic Investigator sa Tugbok Police Station sa pagpanguna ni Pcpl Rillas, sumala pa nitabok ang biktima og aksidenteng nabanggaan, sa ka kusog sa impact natumba sa sementadong kalsada ang biktima ug daling gidala sa Southern Philippines Medical Center (SPMC), apan walay swerte og nabawian sa iyang kinabuhi.

Ang driver ug ang backrider ang nakaangkon usab ug samad sa nagkadaiyang parte sa ilang lawas ug padayong gitambalan sa (SPMC).

RadyoMaN Don Pulayao