Vloggers nga nanghilabot og tarsiers, gikasohan na sa DENR

Davao City – ‘‘Deserve!’’ Kana ang kumento sa netizens human nga giaksyonan sa Department of Environment and Natural Resources (DENR) ang pagpanghilabot sa duha ka vlogger sa tarsiers sa Barangay Maligo, Polomolok, South Cotabato.

Sa statement sa DENR Soccsksargen, napasaka na ang kasong criminal batok sa vloggers (Farm Boy) nga sila Ryan Parreño ug Sammy Estrebilla tungod sa paglapas sa Section 27, paragraphs (f), and (h) of Republic Act (RA) 9147 or the Wildlife Act of 2001 in relation to Section 20, paragraphs (a), and (b) of RA 7586, as amended by RA 11038 known as Expanded National Integrated Protected Areas System (E-NIPAS) Act of 2018.

Nasayrang gibasehan sa iligal nga gibuhat sa vloggers mao ang provisions of RA 9147. Ang pagkaso sa mga violator usa ka pahimangno nga dili sundogon ang ilang binuhatan.

Tungod niini, daghan ang nasuko, naglagot, ug wala nakauyon sa gihimo sa vloggers nga paghikap ug pagkuha sa tarsiers, nga dili angay buhaton ilabi na nga sensitive ang maong endangered species.

“Naunsa naman ning mga tawhana, di tingale sila kabalo mobasa,naa na didto ang “HANDS OFF ” or BAWAL GUNITAN ,DIMAN GANI KA PWEDE MAGBANHA IF NAA KAS ILAHANG GIBATUGAN KAY MADISTURBO ANG MGA TARSIER kaning magpa atik atik/bida2x para mosikat lang mobuhat og dili maayo ..😡😡😡,” kumento sa netizen nga si Vangie Dela Torre Delfin.

Gipanawagan usab sa DENR ang publiko nga tabangan sila tabangan sa pagprotekta sa wildlife species ug sa kinaiyahan.

RadyoMaN Kirby Manzon