Davao City- Saludo si Davao City Vice Mayor Paolo “Pulong” Duterte sa mga sundalo sa ilang dakong sakripisyo aron masiguro nga mahuman ang krisis sa Marawi City.
Pinaagi sa facebook post ni Paolo, gipakita niini ang iyang suporta sa mga sundalo nga walay undang sa binakbakay kontra teroristang grupo sa nasangpit nga battle area.
Kini subay sa impormasyon nga gikumpirma ni Defense Secretary Delfin Lorenzana ang kamatayon nila ni ISIS emir Isnilon Hapilon ug Omar Maute resulta sa clearing operations nga gilusad sa mga awtoridad sa gyera sa Marawi.
Gani saludo usab si Pulong sa pamilya sa mga sundalo nga samdan ug sa mga mipanaw sa gyera batok sa terorismo nga hulga sa kaugmaon sa nasud ilabi na sa mga kabatan-unan.
Gi-awhag sa bise alkalde ang katawhan nga ipadayon ang suporta sa tropa sa gobyerno, sa gobyerno misimo ilabi nasa presenteng administrasyon.
RadyoMan Renz Barbarona
