Davao City –Gikinahanglan adunay himoong aksyon ang gobyerno batok sa mga local ug barangay officials ug uban pang magbabalaud nga nalambigit sa vote buying una pa man moabot ang 2019 mid-term election.
Sumala ni Lasang Brgy. Capt. Allan Simoag, kung adunay mga ebidensya batok sa mga nalambigit sa maong mga binuang pasakaan og kaso aron mapahamtangan og silot.
Samtang gibutyag usab sa barangay kapitan sa Brgy. 76-A Bucana Rolando Trajera, karon na ang panahon nga usbon ang pamulitika, wagtangon ang ingon niini nga istilo aron matinuod ang gitinguhang limpyo ug matinud-anong election.
Tungod niini gisugyot ni Simoag nga pasakaan og kaso ang mga nagbuhat niini nga mga politico samtang gihagit usab ni Trajera ang gobyerno nga i-diskwalipika ang kandidato nga mapamatud-an nga nalambigit sa mga binuang sama sa pagpamalit og boto ug uban pa.
RadyoMaN Bernard Pantallon
