General Santos City–Giangkon ni Gensan City Election Officer sa Atty. April Mitchor-Miguel nga usa sa problema kada eleksyon mao ang vote buying nga matud pa lisud kaayong mamonitor.
Sumala pa ni Atty. Miguel nga daghan ng pamaagi ang gihimo sa maong ahensiya apan naa pa gihapon ang gikaingong vote buying og gipaklaro usab niini nga dili sila basta-basta makapasaka og kaso kung wala silay lig-on nga ebidensiya nga makuha gumikan kay dili pwede nga gikan lamang sa estorya nga dunay kandidadato nga nagapamaligya og boto.
Samtang asoy usab sa opisyal nga maglisod sila og panakop sa gikaingong nagapamalit og boto tungod kay kadtong napalitan dili man musombong ngadto kanila kay mahadlok maapil sa kaso.
Apan gipaniguro niini nga kung duna silay madakpan sa akto nga mga kandidato og dunay igong ebedensiya nga naga vote buying dili magduha duha ang buhatan sa comelec nga mopasaka og kaso ingon man kadtong tawo nga maoy gipalitan og boto og ma-disqualify usab ang kandidatura sa madakpang kandidato. (Reynald Timario)
