Davao City – Sama sa naandan, pulos mga saad ang gilaumang ihatag gihapon sa mga kandidato ngadto sa katawhan ug ang hagit anaa karon sa mga botante.
Sumala ni Atty. Arnold Abejaron, Ateneo de Davao University (ADDU) Law Professor ug Ateneo Blue Vote Resource Person, gikinahanglan ang botante kahibalo moila sa mga kandidato nga matinud-anon ug motuman sa ilang mga saad sa higayong anaa na sa pwesto diin usa na niini ang Ateneo Blue Vote nagapahigayon ug mga pag-edukar sa mga batan-ong botante.
Samtang giklaro usab ni Abejaron, aduna nay kalainan karon kung itandi kaniadto tungod sa mga teknolohiya sama sa social media nga anaa tanan makita ang mga impormasyon kabahin sa election.
Matud ni Abejaron, importante dinhi ilabi na sa mga batan-on nga kahibalo mo-ila o mosabot sa mga mabasa o makita sa internet sama sa fake news, tungod kay gitohoang himoon kini sa mga politiko.
RadyoMaN Bernard Pantallon
