Dayon ang pagahiwaton nga Voter’s registration sang Commission on Elections ukon COMELEC umpisa Agosto 1 tubtub Setyembre 30, 2019.
Ini ang ginpahayag ni City Election Assistant II Jonathan Sayno.
Suno kay Sayno nga apesar sang anunsyo ni Presidente Rodrigo Duterte sa ika-4 sini nga State of the Nation Address nga luyag niya nga i-postpone sa 2022 ang SK kag barangay Elections nga natalana kuntani sa masunod nga tuig.
Ginpahayag ni Sayno nga magabukas ang opisina sang Comelec humalin alas 8 sa aga tubtub alas 5 sa hapon, humalin Lunes tubtub Sabado kag bisan holidays.
Mahimo makapa-rehistro ang mga kabataan nga maga-edad 15 anyos sa Mayo 11, 2020 tubtub 17 anyos.
Samtang ang mga manug-18 anyos nga narehistro na sa SK ang indi na kinahanglan nga magpa-rehistro bangud automatic na nga masaylo ang ila rehistro sa regular voters.
Kinahanglan man nga magpa-reactivate sang rehistro ang mga botante nga wala makaboto sa duha ka magkasunod nga eleksyon.
