Gipasalamatan karon ang Angat Buhay Program sa Office of the Vice President pinaagi ni VP Leni Robredo nga kung diin nakabenipisyo niini ang 20 ka estudyante sa Siayan ning atong probinsya nga pulos high school nalakip kini sila sa lisod nga pamilya ug ang gihatagan ug prayoridad mao ang mga nanimuyo sa mga lagyong lugar.
May mga kompyuter ug mga equipment ang ge turn over usab atol sa pagbisita sa bise presidente sa lungsod sa Siayan para sa Senior High School nga magamit sa estudyante ilabi na nga adunay technical vocational courses.
Sa pagkakaron, dinhi sa Probinsya sa Zamboanga del norte ang lungsod sa Siayan ang unang naka benepisyo sa Angat buhay Program, anaa pud sila sa Zamboanga Sibugay, bukidnon, Agusan, ug kadaghanan niini anaa sa Lanao del sur tungod sa kataas sa poverty incident, gani matod pa ni VP Leni Robredo sa wala pa nagka problema sa Marawi City area na sa OVP para sa ilang programa, mo abot sa 50 ka komunidad dinhi lang sa pulo sa Mindanao.
Dugang pa sa bise presidente nagsugod sila sa 50 communities ug karon moabot na sila sa 173 communities ug naglaum pa gihapon sila nga madungangan pa karon nga tuig ilabi na sa mga nanginahanglan ug tabang.
Sa katapusan nagpasalamat si VP Robredo sa RMN network ug sa taga Zamboanga del norte tungod sa kataas sa boto nga iyang nakuha dinhi nga nag una siya gani naka kuha siya ug 41.6% sa miaging eleksyon.
Gipasalamatan usab niya ang katawhan ug Lokal nga panggamhanan lakip sila si Gov. Uy, Mayor Uy ug Cong. Labadbad sa pagsuporta sa iyang mga proyekto nga milihok gayud tungod niina mas ma dasig pa siya nga mo tabang*.*
