Nangayo sang despensa si Vice President Leni Robredo kasunod sang kontrobersyal nga group photo kaupod ang pila ka miyembro sang Liberal party sa holocaust memorial sa Germany.
Suno kay Robredo nga apisar indi hungod kag wala sang malisya sa kontrobersyal nga laragway, akuon niya ang responsibilidad kag luyag niya magpangayo sang pasaylo sa mga na-offend.
Nahibaluan nga ginpost ni Ifugao Representative Teddy Baguilat, Jr. sa Twitter ang laragway sa diin makita nga nagangirit si Robredo upod sanday LP President Senator Francis Pangilinan, Quezon City Representative Jose Christopher Belmonte, Dinagat Islands Representative Kaka Bag-ao, Marikina Representative Miro Quimbo kag anay Budget Secretary Butch Abad sa monumento para sa mga biktima sang genocide ukon ang malapnagon nga pagpatay sa idalom sang Nazi Germany.
Sa karon, gindelete na ni Baguilat ang nasambit nga twitter post kag nagpost sang isa pa ka tweet nga nagapangayo sang pasaylo.
(photo from web)
