Taxi fare hike wala mo-agi sa konseho

25

Davao City – Dili makatarunganon ang umento sa pletehan sa taxi gumikan wala kini niagi og konsultasyon sa konseho.

Kini ang gipamahayag ni Davao City Councilor Danilo Dayanghirang atol sa 15th regular session sa 18th City Council karong adlawa diin siya mibutyag nga kinahanglan mupailawon usa og konsultasyon ug public hearing kung adunay mga pag-usab sa bayronon sa utilities sama sa electric power ug tubig.

“We were surprised when there was no consultation made before our constituents of the city of Davao because by the rules, when it comes to any utilities like electric power, water, any increase should be passed through consultation and public hearing,” matud ni niini.

“You can just imagine one ride you are paying P150 P before of the same distance, now you’re paying P250,” dugang ni Dayanghirang.

Gani subay niini, kasamtangang mupasa og resolusyon ang konseho batok sa pag-usbaw sa pletehan karong adlawa hangtod sa makapahigayon og public hearing kabahin sa maong isyu.

Gipasabot ni Dayanghirang, dili susama sa Manila ug sa ubang lungsod ang sitwasyon sa ekonomiya dinhi sa Davao diin kung didto gipahigayon ang hearing walay labot sa implementasyon ning syudad.

“For the meantime we are inviting them to appear here in the next session,” segun sa konsehal.

RadyoMaN Jason Amisola

Facebook Comments