TACLOBAN CITY – Ginseselebrar yana nga bulan han Hunyo an National Disaster Resilience Month kun diin an panuyuan nga mas pakusgon pa an aram ngan pangandaman han mga kataw-an ha bisan ano nga kalamidad.
May paghisumpay hini, ginpasabot Han Mines and Geoscience Bureau (MGB) Region 8 nga padayon an ira pagdumara hin Vulnerability Risk Assessment (VRA).
Sumala kan Ed Tan, Supervising Geologist han MGB Region 8 ngan OIC han Geoscience Division an Vulnerability Risk Assistance in ginbubuhat ha mga probinsya han Rehiyon 8 nga prone hin mga kalamidad sugad han landslide ngan pagbaha.
Dugang pa han opisyal , nagbubuhat hira hin methodology kun diin naghihimo hira hin exposure maps o kun exposure susceptibility to landslides and flooding ngan hira in nagkakamayada map rating ha mga lugar para mas mahibaruan kun diin dapit an mayada low, moderate, high, ngan very high susceptibility.
Samtang, padayon naman an gindudumara nga survey han MGB ha pipira nga mga probinsya ha Rehiyon 8 nga mayada hitaas nga posibilidad nga magkamayada landslide nga flooding sugad han Guiuan, Mercedes, Salcedo, Calbiga, Naval, Albuera, Tabango, San Isidro, Palompon, Matag-Ob, Liloan, San Juan, St Bernard, San Francisco, Libagon, Padre Burgos, Limasawan Island ngan ginlalauman nga madudugngan pa an mga municipalidad nga bibisitahon yana nga tuig.
