Magaepektibo pa sa Mayo 11 subong nga tuig ang wage increase sa mga empleyado sa pribado nga sektor sa rehiyon, matapos nga pormal na nga ginpublish sa lokal nga pamantalaan sang Abril 26 tungod nagakinahanglan lang man sang kinse ka adlaw nga publication ang wage order.
Suno kay Department of Labor and Employment 12 Regional Director Sisinio Cano may mga inspectors sila nga magapatigayon sang inspection agud nga masiguro nga maimplementar ang panibag-o nga wage increase.
Samtang ginahatagan naman sang tion ang mga employer nga maghingyo sang exemption kon may basehan ang mga ini sa indi pagpatuman sang panibag-o nga wage increase
Base sa gin-aprobahan nga Wage Order No. 20 sang RTWPB 12 sang Abril 13 subong nga tuig ang mga empleyado sa Agriculture/Retail/Service establishment ang makabaton sang P18.00 nga increase sa kada adlaw nga sweldo kag P16.00 naman para sa mga empleyado sa non-agriculture sector.
May-angot sini, ang panibag-o nga daily minimum wage sang mga empleyado sa Non-Agriculture Sector ang mahimo na nga P311.00 kag P 290.00 naman sa mga empleyado sa Agriculture/Retail/Service sector.
Aminado man si Director Cano nga indi syento porsyento sang employers sa rehiyon ang nagacomply sa mga nauna nga wage order kag may mga reklamo man sila nga nabaton angot sa wala pagcomply nga gilayon naman nila suno pa nga ginaaksyunan.
