WALA GINSIPOT | Mass oath taking sang kampo ni Congressman Ferj Biron sa University of San Agustin gym sang Domingo sang hapon, wala ginsipot ni House speaker Alvarez

Wala ginsipot ni House speaker Pantaleon Alvarez ang Mass oath taking sang mga newly elected barangay kag SK chairmen sa 2nd , 4th kag 5th District sa University of San Agustin sag Domingo sang hapon nga gin-organize ni 4th District Congressman Ferj Biron.

Sa baylo, si DPWH secretary Mark Villar amo ang nagpasumpa sa mga ini.

Nadismaya naman ang pila ka mga opisyales sang barangay gikan sa nasambit nga mga distrito bangud indi man si speaker Alvarez ang nagpasumpa sa ila baliskad sa nauna nga pahayag.

Nahibaluan nga sang Domingo sang aga, ginpangunahan ni Alvarez ang pagpasumpa sa mga barangay kapitan gikan sa 1st kag 3rd District sa idalum nnaman sang kampo ni Governor Art Defensor.