Capiz – Gindeklarar ni Capiz Governor Antonio del Rosario nga suspendido ang klase sa tanan nga lebel sa mga pribado kag pampubliko nga eskwelahan sa bug-os nga probinsya sang Capiz buwas nga adlaw, Enero 3, 2018 bangud sa malain ngapanahon, tuga sang Bagyong Agaton.
Nakapagkit sa ginpapanaug nga Executive Order No. 001 series of 2018 ni Gov. Tony del Rosario, nga suspendido ang klase bwas adlaw sa tanan nga lebel bangud padayon nga nagadamo ang numero sang mga barangay nga apektado sang pagbaha. Nagataas man ang numero sang mga apektado nga pamilya kag madamo sang mga dalanon nga gintaup sang tubig rasun sang indi na maagyan sang pila sa mga residente. Ginbasehan man sang gobernador padayon nga pagtupa sang ulan kag pagtaas sang water level sa jmga suba.
*Photo Credits: CADER, CASAC,PDRRMO-Aksyon Tabang*
