Posible nga madugayan ang pagresolba sang kaso ni the late Sam Aguilar, , ang operator sang STLsa probinsya sang Iloilo.
Ini bangud wala gihapon makapakita sa Iloilo Police Provincial Office ukon IPPO ang tatlo ka iban pa nga bodyguard ni Aguilar. .
Suno kay IPPO Director PSSUPT Marlon Tayaba, nagpangako ang abogado ni Aguilar nga ipresentar ang mga ini sa IPPO agud makuhaan sang pahayag sang investigating team apang wala ang mga ini nakapakita sa baylo affidavit lang sang mga ini ang ginpasa sa IPPO kag wala man sang significant revelation sa ila pahayag.
Dugang pa ni Tayaba nga wala man nagpa-blotter ang mga bodyguard apisar yara ang mga ini sang natabo ang insidente.
Ginpahayag ni Tayaba nga obstruction of justice ang ginahimo sang mga bodyguard gani iya ginahingyo ang mga ini nga magkooperar sa IPPO.
Madumduman nga isa na ka bulan ang nakaligad matapos gin-ambush si Aguilar sa Barangay Buyuan, Tigbauan sadtong Marso 13 kag padayon nga nagahulat sang hustisya ang pamilya Aguilar.
