Roxas City, Capiz – Wala na sang kabuhi sang masapwan ang isa ka 59-anyos nga lalaki sa sulod sang iya balay, sa Sitio Sentro, Barangay Li-ong, Roxas City.
Ginkilala ang biktima sa kay Mario Bansagan, residente sang nasambit nga lugar. Suno sa mga himata sang nasambit nga biktima, Pebrero 28 pa sang ulihi nga nakit-an ang amo nga persona.
Nahibaluan nga nasapwan lamang ang bangkay sang biktima sang iya nga tiya sang magpadulong ini sa balay ni Bansagan. Posible suno diri nga gin-atake sang iya balatian ang biktima antes ini ginbawian sang kabuhi. Nagapadayon sa gihapon ang imbestigasyon sang mga kapulisan kun bala may foul play sa kamatayon sang biktima.
*(photo from web)*
Facebook Comments
