SIGMA, CAPIZ- Natigayon nga marekober sang mga katapo sang Sigma PNP ang mga ginserahe nga puno sang kahoy nga nabutang sa kilid sang karsada sa Brgy Oyong, Sigma, Capiz.
Ini matapos nga nakabaton sang panawagan ang mga kapulisan nga may yara sang mga persona nga nagahakot sang amo nga mga kahoy kabangdanan nga insigida nagresponder ang mga kapulisan apang pag-abot sa lugar wala na sang mga ini naabtan ang amo nga mga persona.
Kaupod si Kagawad Rolly Evangelio sang Brgy. Oyong, narekober ang kapin sa 25 ka bilog sang ginserahe nga kahoy nga gina-alegar ginapanag-iyahan ni “Dodong” Coronado nga taga-Mianay, Sigma, Capiz.
Natalana naman nga igaturn-over sa DENR-CENRO sa banwa sang Mambusao ang amu nga mga tablon sang kahoy.
photo ⊙ Sigmapnp Pcr
