Wala sang budget nagapabilin nga rason sang mga Lgu`s sa South Cotabato kon ngaa indi makapatukod sang dog pound.

Wala sang budget ang nagapabilin nga rason sang mga local government units dire sa probinsya kon ngaa wala pa sa gihapon nakapatukod ang mga ini suno pa sang dog impounding facility.
Ginhatagan punto ni Dra. Flora Bigot , OIC Provincial Veterinary Office sang South Cotabato base sa RA 9482 ukon Anti-Rabies Act of 2007 mandatory sa first class municipalities kag cities ang pagtukod sang dog pound.
Samtang sa subong suno kay Dra. Bigot may tikang naman ang Lgu T`boli sa pagtukod sang dog impounding facility matapos nga ang nasambit nga banwa ang may madamo nga stray dogs base sa datos sang Provincial Veterinary Office.
Ginalauman man ni Dra. Bigot nga kuntani tanan nga Municipal Health Office sa South Cotabato ang may matukod na nga animal bites and treatment center agud nga ang mga makagat sang ido ang mahatagan gilayon sang anti-rabies vaccine nga indi maglab-ot sa punto nga mapatay.