Walay fake rice dinhi sa Butuan ug Agusan del Norte.
Kini ang gipaniguru sa National Food Authority (NFA) human gipakita sa RMN News Team sa maong buhatan ang gidudahang peke nga bugas nga napalit sa usa ka konsumante dinhi sa dakbayan sa Butuan.
Kahibaloan nga midangop sa RMN DXBC Butuan si Louie Ladao, residenti sa brgy. Doongan ning syudad sa Butuan sa dihang nakapalit siya ug duha ka kilong bugas sa Langihan Public Market nga lahi ang lasa sa iyang pagkaon ug matud pa mi-untol sa dihang iyang gikumot ug gi-itsa sa salug.
Gilayong gibisita sa RMN News Team ang buhatan sa NFA ug gipakita ang sample sa napalit nga bugas. Apan gipahayag ni Fe Mordeno, Asst. Provincial Manager sa NFA Agusan del Norte nga imported rice ang napalit sa maong konsumante diha sa merkado.
Niya pa nga lahi ang kalidad sa imported rice kompara sa bugas nga gikan dinhi sa nasud mao’ng nabag-ohan sa lasa ang nasangpit nga konsumante.
Dugang ni Mordeno nga walay fake rice nga nakasulod sa merkado basi sa kanunay nilang monitoring, apan daghan mga imported rice ang mapalit diha sa gawas.
Sent from my Samsung Galaxy smartphone.
