General Santos City–Hugtanong gipanghimakak ni Police Chief Inspector Nestor Maderse Jr., Chief Of Police sa Police Station 1 ang nahimong aligasyon ni Gensan City Councilor Atty. Franklin Gacal nga aduna kini 3 ka mga sakop nga lakip sa pulis nga gitawag ug “lubog” kon pulis nga wala gaduty ug nagbayad lang ug P12,000.00 sa ilang mga labaw.
Sumala pa niini nga nakaduty ang tanang personahe sa Police Station 1 tungod kay accounted niya tanan ang iyahang mga sakop ug kung aduna may nakita nga mga pulis nga nag laroy-laroy sa kadalanan posible nga human na usab kini sa ilang duty.
Dugang pa niini nga posibleng mga intel operatives sa police station 1 ang gina tumbok ni Kagawad Gacal nga wala gareport sa Police Station 1, apan gipaklaro ni PCI Maderse nga iyang gituyo nga dili mag report sa estasyon ang iyahang mga intel operatives aron nga malikayan nga masunog kini sa dalaw sa mga pinireso.
Samtang blangko man usab si Maderse kung asa nakuha ni Kagawad Gacal ang iyang impormasyon kabahin niini. (Dave Silagan)
