Sarangani Province–Gihingusgan ni Police Lt. Col. Teody Condesa, ang tigpamaba sa Sarangani Police Office nga andam nilang sundon unsa man ang mando sa ilang National Headquarters hilabi na sa pagsumpo sa mga Police nga lambigit sa iligal nga droga.
Alang kang Condesa dapat lang nga dakpon ang mga Police nga lambigit sa iligal nga gimbuhaton tungod ila lang buling bulingan ang pangalan sa PNP.
Hinuon sa Sarangani walay ninja Cops nga nakaabot ug gani mapasigarbohon nga gisulti ni Condesa nga mga tarong ang mga Police sa Probinsya.
Dugang pagbutyag ni Lt. Col. Condesa nga higayon nga adunay mga police nga malambigit sa iligal nga gimbuhaton sa Sarangani moagi man gihapon sa saktong proseso ang pagpasang-at ug kaso kanila.
Samtang gibutyag usab ni Condesa nga usa lang ang mando sa ilang Bag-ong PNP Provincial Director nga si Police Col. Lex Ephraim Corpuz Gorat ngadto sa mga police sa Sarangani nga magtinarong ug sa ilang trabaho ug sundon ang mga patakaran sa ilang organisasyon.
