General Santos City–Aminado karon si Kagawad Jeng Gacal nga dismayado siya human nga wala siya makaani ug mga suporta sa mga kaubanang konsehal sa plano unta niini pagbakwi sa pagtugot sa STL nga maka-operate sa syudad.
Kahibaluan nga una nang nagpahigayon ug privilege speech si gacal ngadto sa hawanan sa konseho kung asa iyang gipadayag ang mga impormasyon bahin sa bayolasyon sa mga STL outlet.
Apan luyo paman sa kagustohan ni kagawad Gacal nga bakwion ang concurrence nga gihatag sa Sangguniang Panglungsod ngadto sa Trento Gaming Corporation wala matud pa sya suportahi sa mga kaubanan.
Kalabot niini gihagit karon ni kagawad Jeng Gacal ang lokal nga kagamhanan sa Gensan butngan ug mga personahe ang matag STL outlet aron magbantay sa kalihukan sa mga outlet.
Kini aron masayran kung unsa gyud katinuod ang sumbong nga mga bayolasyong ginahimo sa mga STL nga supak sa kasabutan tali sa kagamhanan sa Gensan.
Matud ni Kagawad Gacal nga dako kining hagit alang sa syudad ug kung buot gyud nilang masayran ang kamatuoran angay nila kining imbestigahan.(Jordan Britos)
