Gihulagway sa kapolisan nga hapsay ang pagpahigayon sa Walk for Mary ug Traslacion karong adlawa atol sa ikaw-siyam ka adlaw nga misa novena alang sa kapistahan ni Senior Sto Niño .
Ang hepe sa kapolisan sa dakbayan sa Sugbu nga si Sr. Supt. Royina Garma nibutyag nga gibana-bana nga moabot sa 320,000 ka mga deboto ang nisalmot sa Walk for Mary gikan sa Fuente Osmeña paingon sa Basilica Minore Del Sto Niño kaganinang kadlawon Enero 18.
Human sa prosesyon , usa ka misa ang gihimo sa Basilica sa wa pa gihimo ang Traslacion sa mga imahen ni Sr. Sto Niño ugsa Birhen sa Guadalupe paingon sa National Shrine of Saint Joseph (NSSJ) sa dakbayan sa Mandaue .
Niuban sa Traslacion ang rector sa Basilica nga si Father Pacifico Nohara Jr. ingon man sila si Cebu City Mayor Tomas Osmña ug si Konsehal Margot Osmeña .
Pag-abot sa Subangdaku sa Mandaue , giturn-over na ang mga imahen ngadto ni Mayor Luigi Quisumbing ug gilahos na sa NSSJ diin gisugat kini sa Team Moderator nga si Msgr. Daniel Sanico .
Adunay overnight vigil sa simbahan alang sa mga deboto ug sa alas 2:00 sa kadlawon ugma Enero 19 una dalhon sa Birhen sa Regla Shrine sa Lapulapu alang sa laing misa .
Human sa misa mosugod dayon ang fluvial procession nga manukad sa Muelle Osmeña sa Lapulapu balik na sa dakbayan sa Sugbu .
