Davao City – Nadakpan sa kapolisan sa Sta. Ana PNP ang walo ka mga sugarol atol sa gipahigayon nga anti-illegal gambling operation natigayon sa may Prk. Lawis Brgy. Centro Agdao, siyudad sa Davao.
Subay sa report gikan Sta. Ana PNP unang nasikop alas 5:10 sa hapon mao sila si Fresceliano Bague, 52 anyos, usa ka laborer, Teburcia Paquibot, 72 anyos, Cuncurdia Lara, 66 anyos, ug Josephine Dapitan, 59 anyos, pareho mga nagpuyo sa nahisgutang barangay.
Samtang laing grupo usab sa mga sugarol ang nasikop alas 5:15 sa nahisgutan lugar diin ang mga nadakpan mao sila si Francisca Jovellanoz, 70 anyos, Divina Japson, 72 anyos, Leonora Jaurigue, 56 anyos, ug Cornelio Jayson, 76 anyos, pulos nagpuyo usab sa maong barangay.
Sumala pa narekober ang duha ka set sa mahjong ug bet money nga P280.
Ang walo ka mga dinakpan preso na sa Sta. Ana PNP ug gihikay na ang kasong kalapasan sa Presidential Decree 1602 kun illegal gambling.
Sumala ni Sta. Ana PNP station commander P/Chief Insp. Michael nga mas gipahugtan nila ang operasyon sa pagpanakop sa mga nagasugal ngadto sa ilang area of responsibility.
RadyoMaN Don Pulayao
