Walo ka mga kabanwahanan sa Capiz gindeklarar na nga drug free municipalities

465

Roxas City – Naglab-ot na sa walo ka mga kabanwahanan sa probinsya sang Capiz ang nagdeklarar na nga drug free municipalities. Pinakaulihi diri nga nagdeklarar amo ang banwa sang Jamindan pinaagi sa pag-convene sang ila Municipal Anti-Drug Abuse Council sa pagpanguna sang MADAC Chairman nga si Mayor MacArthur Valdemar, municipal DILG kag Jamindan PNP.
Samtang gindeklarar man nga drug free municipality ang banwa sang Tapaz makaligad ang ginpatigayon nga assessment sang ila Municipal Anti-Drug Abuse Council.
Sa madumduman nga una na nga gindeklarar bilang drug free municipalities ang mga kabanwahanan sang Mambusao, Sapian, Dumarao, Dumalag, Dao kag Cuartero.
Ang Probinsya sang Capiz ang may 16 ka mga banwa kag isa ka syudad nga amo ang Roxas City.

Free,Municipalities,Capiz,MADAC

Facebook Comments