Walo ka oras nga water service interruption, ipatuman sa COWD

21

Ipatuman sa Cagayan de Oro Water District o COWD ang walo ka oras nga water service interruption sa pipila ka areas sa Barangay Iponan ning syudad ug Opol, Misamis Oriental.

 

Matud ni COWD Spokesperson Ladelle Sagrado nga kini tungod sa himoong interconnection sa 100 MM Diameter Pipeline sa City Mall sa Barangay Iponan ning dakbayan.

 

Ang interruption himoon karong Sabado, Setyembre 8 ning tuiga gikan sa alas 9 sa buntag hangtud sa alas 5 sa hapon.

 

Lakip sa maapektuhan ang gikan sa tulay sa Iponan paingon sa Luyongbonbon, Barra, Opol, Misamis Oriental, Regency Plains, Centro Iponan, Vamenta Estates, Bloomingdale Subdivision ug Westfield Subdivision sa Barangay Iponan ning syudad.

Facebook Comments