Margosatubig, Zamboanga del Sur – Gidaro ang wing van ang walo ka sakyanan ug usa ka balay human kining nawad-an og preno sa kadalanan sa bahada nga bahin sa Sitio Samboang, Poblacion, Margosatubig, Zamboanga del Sur alas 9:05 kaganihang buntag.
Sa inisyal nga imbestigasyon sa Margosatubig PNP, samtang nagdagan ang Mitsubishi Fuso Fighter Wing Van nga gipanag-iyahan sa Golden Century Marketing nagbyahe gikan sa syudad sa Pagadian paingon sa Poblacion Margosatubig, gimaneho ni Joner Bercero Bongo, residente sa syudad sa Ozamis City ug sakay ang sale agent nga si Bernabe Balais Flores.
Pag-abot sa Purok Lerio, Sitio Alipapa, Barangay Poblacion, Margosatubig wala na mopaak ang preno sa maong Wing Van rason nga gisungag niini ang Bao-Bao, color blue ug gibangaan usab ang nakaparada nga pampasaheroang tricycle, barako 150, color itom.
Lakip nga gi-ungad sa Wing Van ang laing Bao-Bao, color pula nga gimaneho ni Ricardo Benondo Gualdajara, motorsiklo nga sunriser, color blue nga gimaneho ni Oscar Recto, residente sa Brgy. Bulatok, Pagadian City; usa ka unit sa mini dump truck, color blue, gimaneho ni Jimson Bacaresa Baran; motorsiklo nga skygo 125, color itom; Yamaha Crypton 110, color yellow ug Honda wave 100, color pula nga rehistrado kang Albert Silva.
Apil nga gilukat sa Wing Van ang balay nga gipanag-iyahan ni Gina Taganile diin anaa sa sulod sa balay ang biktimang si Juvy Ann Silva nga nakabaton sa daghanang bun-og ug samad sa lawas nga gidala karon sa ospital.
Ang mga driver sa gibangaan nga mga motorsiklo gidala sa Margosatubig Regional Hospital alang dinalian nga medikasyon.
Napakgang lamang ang pwersa sa Wing Van dihang nabanga kini sa punuan sa kahoy nga Mahogany. Lakip nga nadamyos ang water system sa LGU Margosatubig.
Sa pinakaulahing kasayuran nga nakuha sa RMN-DXPR Pagadian, gikompirmar ni PCapt Melvin N. Maglangit, ang hepe sa Margosatubig MPS nga usa ang patay sa mga nabanggaan
