Walo ka tribu ang magapasakop sa tribes competition sa 2019 Iloilo Dinagyang Festival.
Suno kay Ati Tribes Committee Chairman Robert Alor ini ginalakipan sang Tribu Panayanon, Salognon, Ilonganon, Dagatnon, Paghidaet, Hugponganon, Pan-ay kag Barriohanon.
May duha naman ka non-performing tribes nga mangin guest performers nga amo ang tribu Miru sang mga matoud nga ati kag ang mga alumni sang tribu Bola-Bola.
Samtang ginkonpirmar naman ni Iloilo Dinagyang Foundation Inc. Pres. Ramon Cua-Locsin nga may kabilugan nga P1.2 million ang ihatag nga subsidy sang foundation sa mga tribu.
Naglambot na sa P 900,000 ang narelease sa mga tribu kag irelease ang dugang nga P300,000 sa una nga semana sang enero 2019.
Ang highlight sang Dinagyang gintalana sa enero 25-27, 2019.
