Novaliches, Quezon City – Arestado ang walong tao na sangkot sa iligal na droga sa isinagawang Oplan Disiplina ng Quezon City Police District Station 4 sa Novaliches, Quezon City.
Kinilala ang mga suspek na sina David Rizo, Rowel Ornido, Mark Joseph Millete, Arvin Serioso, Steve Rodriguez at Alvin Peregrino.
Nasabat mula sa mga ito ang anim na plastic sachet na naglalaman ng hinihinalang shabu.
Samantala, dalawa naman ang arestado sa ikinasang buy-bust operation ng QCPD station 4 pa rin.
Kinilala ang mga suspek na sina Jose Ramil Dangcalan alyas Poklat, at Leonora Murelles, na kapwa residente ng Barangay Gulod sa Novaliches.
Narekober ng pulisya mula sa mga ito ang limang sachet na naglalaman ng hinihinalang shabu at buy-bust money na nagkakahalaga ng limandaang piso.
