Nagresign na sa pwesto si Tourism Secretary Wanda Tulfo-Teo.
Ini ang ginkumpirmar sang iya legal counsel nga si Atty. Ferdinand Topacio.
Suno kay Topacio, nagsumite sang resignation letter si Sec. Teo sa opisina ni Executive Sec. Salvador Medialdea kahapon antes ang cabinet meeting.
Dugang pa niya nga ang desisyon ni Teo ang resulta sang malawig nga reflection kag soul-searching kasunod man sang ginkaulamiran nga kotrobersiya sa mga nagliligad nga semana.
Indi naman makumpirmar ni Presidential Spokesperson Harry Roque kon nabaton na ni Presidente Rodrigo Duterte ang nasambit nga resignation letter.
Madumduman nga naulamid si Sec. Wanda Tulfo -Teo sa 60 million pesos controversial ad contract sang Department of Tourism (DOT) nga ginhatag sa Bitag Unlimited Media Inc. (BUMI) nga ginapanag-iyahan sang iya utod nga si Ben Tulfo.
(photo from web)
